Sion a Sian, oddeutu'r tan, Yn bwyta blawd ac eisin man
Sunday, February 14, 2010
Hwianderdd y dydd 12
Gyrru i Gaer
Gyrru, gyrru, gyrru i Gaer; I briodi merch y maer; Gyrru, gyrru, gyrru adre, Wedi priodi ers diwrnodie.
Saturday, February 13, 2010
Hwiangerdd y dydd 11
Sgwrs
"Wel," meddai Wil wrth y wal, Wedodd y wal ddim wrth Wil.
.
Friday, February 12, 2010
Hwiangerdd y dydd 10
I'r Ysgol
Mi af i'r ysgol fory, A'm llyfyr yn fy llaw; Heibio'r Castell Newydd, A'r cloc yn taro naw; Dacw mam yn dyfod, Ar ben y gamfa wen, "A rhywbeth yn ei barclod, A phiser ar ei phen. Mi af i'r ysgol fory, A'm llyfyr yn fy llaw, Heibio'r Sgubor Newydd, A'r cloc yn taro naw; O, Mari, Mari, codwch, Mae heddyw'n fore mwyn, Mae'r adar bach yn canu, A'r gog ar frig y llwyn.
Thursday, February 11, 2010
Hwiangerdd y dydd 9
Medde Bibyn wrth Bobyn
"A ddoi di i'r coed?" medde Bibyn wrth Bobyn, "A ddoi di i'r coed?" medde Richard wrth Robin, "A ddoi di i'r coed?" medde'r bachgen ei hun, "A ddoi di i'r coed?" medde nhw bod yg un. "Beth wnawn ni yno?" medde Bibyn wrth Bobyn, "Beth wnawn ni yno?" medde Richard wrth Robin, "Beth wnawn ni yno?" medde'r bachgen ei hun, "Beth wnawn ni yno?" medde nhw bod yg un. "Hela'r dryw bach," medde Bibyn wrth Bobyn, "Hela'r dryw bach," medda Richard wrth Robin, "Hela'r dryw bach," medde'r bachgen ei hun, "Hela'r dryw bach," medde nhw bod yg un. "Beth wnawn ni wedyn?" medde Bibyn wrth Bobyn, "Beth wnawn ni wedyn?" medde Richard wrth Robin, "Beth wnawn ni wedyn?" medde'r bachgen ei hun, "Beth wnawn ni wedyn?" medda nhw bod yg un. "Gwneyd potes a fo," medde Bibyn wrth Bobyn, "Gwneyd potes a fo," medde Richard wrth Robin, "Gwneyd potes a fo," medde'r bachgen ei hun; A boddi mewn potes ddaru nhw, bod yn un.
Dacw long yn hwylio'n hwylus, Heibio'r trwyn, ac at yr ynys; Os fy nghariad i sydd ynddi, Hwyliau sidan glas sydd arni
.
Monday, February 08, 2010
Hwiangerdd y dydd 6
Y Wylan
Y wylan fach adnebydd Pan fo'n gyfnewid tywydd; Hi hed yn deg, ar aden wen, O'r mor i ben ymynydd.
Sunday, February 07, 2010
Hwiangerdd y dydd 5
Y Lleuad
Mae nhw'n dwedyd yn Llanrhaiad, Mai rhyw deiliwr wnaeth y lleuad; A'r rheswm am fod goleu drwyddo, Ei fod heb orffen cael ei bwytho.
Thursday, February 04, 2010
Hwiangerdd y dydd 4
I'r Felin
Dau droed bach yn mynd i'r felin, I gardota blawd ac eithin; Dau droed bach yn dyfod adra, Dan drofera, dan drofera.
Wednesday, February 03, 2010
Hwiangerdd y dydd 3
Pwsi meri mew Pwsi mew, pwsi mew, Lle collaist ti dy flew? "Wrth gario tan I dy modryb Siân, Yng nghanol eira a rhew."
Tuesday, February 02, 2010
Hwiangerdd y dydd 2
Si hei lwli
Si hei-li-lwli, 'r babi, Mae'r llong yn mynd i ffwrdd; Si hei-li-lwli, 'r babi, Mae'r capten ar y bwrdd
Hwiangerdd y dydd
Yr Ebol Melyn
Mae gen i ebol melyn, Yn codi'n bedair oed, A phedair pedol arian O dan ei bedwar troed; Mi neidia ac mi brancia O dan y feinir wen, Fe reda ugain milldir Heb dynnu'r ffrwyn o'i ben